Actualizando para continuar coa túa reserva
Vilagarcía destaca por ser unha terra de arraigada nobreza, como mostra o bo número e calidade dos seus pazos. Entre as citas máis destacadas do ano, cabe salientar a celebración durante as festas patronais de San Roque, o 16 de agosto, da festa da Auga. Este festexo está declarado de Interese Turístico Nacional.
Vilanova destaca polo seu interesante patrimonio relixioso, polas vistas do Monte Lobeira e por ser o berce de prestixiosos literatos como Ramón Valle Inclán e Julio Camba. Neste municipio atópanse as súas casas natais, destacando entre elas a de Valle Inclán por ser Monumento Histórico Nacional e porque nela, ademais, se atopan as primeiras edicións das súas obras.
A Illa de Arousa é o único concello insular de toda Galicia. Conta con 11 km de praias e o Parque Natural de Carreirón, no seu termo atópase a enseada Brava cun muíño de mareas de gran valor etnográfico e varios observatorios de aves. Alí tamén se atopan o cemiterio prerromano dos Bufos ou a vila romana próxima a Punta Nasas.
Cambados destaca polo seu casco antigo; ademais, outro dos seus grandes atractivos turísticos son as ruínas da Torre de San Sadurniño, situada nunha pequena illa á que se accede por unha pequena ponte. Cambados é coñecida como a Capital do Albariño e a esta variedade de viño dedícaselle desde 1953 unha festa o primeiro fin de semana de agosto. Nela prémianse os dez mellores viños da D.O. Rías Baixas.
Natureza e etnográfía únense en Meaño, onde os visitantes poden gozar dunha Ruta por Muíños incomparable: a vila conta con 72 muíños catalogados.
Neste municipio destaca o Mosteiro de Armenteira, fundado no século XII polo monxe Ero e caracterizado pola súa sinxeleza e austeridade. Del consérvanse a igrexa e o claustro dos séculos XVI ao XVIII, sendo un dos edificios mellor conservados do románico galego. Unha fermosa portada con seis arquivoltas e un gran rosetón calado enriba dan fe diso.
Esta península destaca pola súa gastronomía, encabezada polos mariscos. Durante a primeira quincena de outubro ten lugar a Festa do Marisco, declarada de Interese Turístico Nacional.
É o municipio de España con máis bandeiras azuis, unha das razóns polas que é o núcleo turístico por excelencia da provincia de Pontevedra. Nel destacan as súas praias urbanas e semiurbanas. A Ermida da Lanzada, dedicada á Nosa Señora, ten vistas privilexiadas da Illa de Ons e do Océano Atlántico.
